SIMULIZI
USIPOJIAMINI HATA MAFANIKIO HAYATAKUAMINI …
👉Fanya kazi yoyote ilimradi hauvunji sheria za nchi, kuchagua kazi ni moja ya sababu kuu zinazorudisha nyuma maendeleo ya mtu husika…👉Usiseme hauna mtaji, hapana! kila kitu huanzia chini, nguvu zako ni mtaji tosha! ukiutumia vema bila shaka matunda utayaona. Kupitia nguvu zako, ulishawahi kujiuliza wabeba mizigo sokoni? wasukuma mikokoteni? wachimba mifereji? wanaokoroga zege, wanaofyatua matofali, wanaofanya kazi kwenye mashamba ya watu?, japo pesa wanayoipata ni ndogo, lakini ukijitesa kwa muda tu bila kujali macho ya watu bila shaka hutalalamika kamwe. Mtaji utaupata, utaacha kazi hiyo ya kutumia nguvu nyingi baada ya kujitesa kwa muda kisha utahamia kwenye shughuli nyingine unayoipenda huku ukiwa tayali umejitengenezea mtaji …👉Usiangalie macho ya watu, fanya tu! mwisho wa siku unaowaonea aibu watajifunza kwako …👉Kamwe usiwategemee wanasiasa kukuletea maendeleo, mchango wao kwako ni asilimia ndogo sana .Asilimia kubwa za kukufanya uendelee zinatokana na juhudi zako wewe mwenyewe, badili mtazamo na pambana ndugu yangu …👉Jipendekeze, ndugu yangu kujipendekeza ni moja ya silaha kubwa kwenye mafanikio. Jipendekeze kwa watu waliofanikiwa kukuzidi wewe, kama wewe ni mfanyabiashara basi jipendekeze kwa wafanyabiashara wakubwa na wazoefu. Mwanafunzi jipendekeze kwa wanafunzi vichwa darasani, wanasiasa wachanga jipendekezeni kwa wanasiasa wakubwa ujue siri ya mafanikio yao. Wajasiriamali vivyo hivyo jipendekezeni mtaona mabadiliko …👉Jishushe, jione wewe ni mdogo hujui kitu katika kujifunza na kusaka mafanikio, naimani utanikumbuka! Hakika kama lilivyo jina langu nakuhakikishia, kujishusha kuna faida …👉Usimdharau mtu yoyote yule👉Punguza matumizi yasiyo ya lazima ya pesa👉Kaa mbali na starehe kupita kiasi …LEO NAISHIA HAPA, MIMI NAJITAHIDI KUZINGATIA YOTE NILIYOKUANDIKIA. NAMSHUKURU MUNGU MAISHA YANGU YAMEANZA KUBADIRIKA, SIKUWA HIVI NILIVYO SASA.
