SIMULIZI-NAMPENDA season 2 (03

NAMPENDA season 2 (03)
Na PABLO INTERNATIONAL
Hata waliokuwa wanaangalia majumbani kwao wakabaki kimya kutazama.Alichokisem­a Yazza Golden hakikuwa uongo.Diamond na Ali kiba wakapanda jukwaani wakiwa wamepitishiana mikono mmoja kwenye mabega.Mikononi mwao pia walikuwa wameshika maiki........Endeleea nayo
Lilikuwa jambo ambalo liliwapa ukakasi mno mashabiki wote waliokuwepo pale wanaangalia mubashara na hata wale waliokuwa wanaangalia kwenye luninga.Lilikuwa ni jambo ambalo mashabiki hawakutarajia kama lingetokea kutokana na wasanii wale kuwa na uhasama mkubwa sana wa kushindania kitu yani nani ni mkali kuliko mwenzake.Kuonekana pamoja pale jukwaani kulipelekea mashabiki kushangilia kwa nguvu sana huku bado wakiwa wana taharuki kubwa.Wengine walikuwa wakifikicha vizuri macho kuangalia je ni kweli walichokuwa wanakiona.Ukweli ulikuwa ukweli haswa.Diamond na Ali kiba walikuwa pamoja na waliingia kwa pamoja na kupokelewa kwa Yazza Golden ambaye alifurahi sana kufanikiwa kuwaonyesha mashabiki jambo ambalo hawakutegemea.
"Tanzaniaaaaaaaa mko tayariiiiiiiiiiiiii kuisikiaaa nyimbo yangu niliyowashirikishaaaa Ali kiba na Diamond mkoo tayaaaari?" Yazza Golden ama Yassin aliuliza.Mashabiki wote hata wale waliokuwa nyumbani wakajikuta nao wakisema tuko tayari na kujikuta kama wako kwenye onyesho lile kumbe wala.Vyombo vikaanza kupigwa.Wasanii watatu wakubwa wakaanza kutumbuiza wimbo wao walioutengeneza.Ulikuwa ni wimbo ambao uliwaacha hoi mashabiki kwa jinsi ulivyotengenezwa.Ulikuwa na mashairi yaliyotungwa yakatungika na wimbo ulipoisha.Yazza Golden akawaacha Diamond na Ali kiba ambao walianza nao kulishambulia jukwaa.Siku hiyo ndipo mashabiki walipopata kujua kumbe hao kila mtu alikuwa anamsikiliza mwenzake.Diamond alipokuwa anatumbiza nyimbo zake Ali kiba yeye alikuwa akimpitia kwa chini na ilipofika zamu ya Ali kiba kutumbuiza naye Diamond alifanya vile vile.
"Ningependa kuwaambia mashabiki wote wanaotusikia mie na Ali hatuna usahama wowote ule.Ushindani wetu ulikuwa kwenye muziki tu Ali ni ndugu yangu namuheshimu kutokana na yeye amechangia pia katika kuanza safari yangu ya muziki.Sipingi Ali kiba ndio king wa bongofleva." Alisema Diamond Platnumz na kuibua shangwe zito.
"Pia ningependa na mie kumalizia hapo Diamond Platnumz ni mdogo wangu.Na nakiri bila ya kuficha kuwa yeye ameibadilisha mno tasnia yetu ya bongofleva.Yeye kwa nguvu zake ameutambulisha muziki wa bongofleva afrika nzima na dunia.Yeye amefanya mengi ambayo nikitaka kuyasema yote sitamaliza leo.Diamond ndio simba wa bongofleva hii."Ali kiba naye akapaza sauti.Maneno yake yalipopenya kwa mashabiki kilichofuatia hapo ilikuwa ni shangwe na si kingine.
"Tunaamasisha upendo kwa team zote mbili team Diamond na team Kiba kuwa tusipende kutukanana na kuchukiana sisi wote wa moja.Tupeane sapoti pale inapohitajika kwa kila mmoja wetu ili kukuza sanaa yetu mbele.Namalizia pia kumpongeza mdogo wetu Yazza Golden kwa kufanya mapinduzi.Hii iwe mfano kwa wasanii wengine kuthubutu nao."
"Ebwanaa kweli kabisa Hongera sana Yazza Golden kwa hakika shoo hii haitosahaulika katika vichwa vya watanzania wote kwaherini." Yalikuwa maneno ya Diamond na Ali kiba ambao walipomaliza wakaaga na kuondoka kwa pamoja.Shangwe na vigelegele vilisikika kwa wingi sana.Mashabiki waliona kabisa hata hela waliyotoa kuingia katika onyesho hilo ilikuwa ni ndogo na burudani iliyokuwa inatolewa pale.Yazza Golden akapanda kwa mara nyingine akiwa katika muonekano mwingine.Alikuwa akitabasamu katika uso wake.Aliwaangalia mashabiki waliokuwa wakimshangilia sana.Kuanzia hapo Yazza Golden akawa anatumbuiza ngoma zake.Ikitoka hii anaingia hii.Onyesha lake halikuchosha kabisa.Alikuwa anapiga live lakini ilikuwa ina utofauti mkubwa sana na shoo zingine za live zinazopigwa nchini hapo Tanzania.Muziki uliokuwa unatoka ulisikika vyema na hii ilikuwa ni kazi ya wafunga saundi kutoka marekani ambao walihakikisha idara ya hii haitetereki.Onyesha lile la Yazza Golden lilifikia tamati saa sita ya usiku.Na suprise ya mwisho aliyoionyesha kwa mashabiki ni baada ya kumpandisha msanii mkubwa wa naijeria aitwaye Wizkid ambaye alipanda na wao kwa pamoja wakatumbuiza wimbo wao unaoitwa Mama afrika.Ulikuwa wimbo ambao hata walipoumaliza kuutumbuiza yeye na Wizkid bado mashabiki waliomba aurudie.Hakuwa na hiyana yeye na mwenzake wakaurudia tena kuanzia mwanzo mpaka mwisho.
"Ningependa kuwatangazia kuwa huu wimbo utatoka kesho saa sita mchana.Hivyo subscribe mapema chaneli yangu ya youtube uwe wa kwanza kuona video yake ambao kiukweli ni video bora kabisa na imezidi video zangu zote ambazo nimeshazifanya." Yazza aliongea na kuzidi kukonga nyoyo za mashabiki zake.Baada ya pale Yazza Golden akaaga na kuzidi kutoa shukrani zake za dhati.Alipomaliza kufanya vile akavua nguo ya juu aliyovaa ambayo ilikuwa ni ya thamani na kuwatupia mashabiki ambao iligombania lakini aliyewahi kuidaka ilikuwa ya kwake.Hakuishia hapo tu akarudi hatua kama kumi nyuma katika lile jukwaa kisha akasonga mbele kwa kukimbia na kuwarukia mashabiki ambao walishangalia sana tukio lile na kumdaka vyema Yazza Golden na kuanza kumrusha rusha juu kwa shangwee zito.Tukio lile halikudumu hata dakika tano walinzi wa msanii huyo walikuwa makini kupita maelezo.Wakajitoma kwa mashabiki na kumchukua Yazza na kumchomoa kwa mashabiki na hii ilitokana na usalama wake na pia kutokana na kuwa miongoni mwa wasanii wanaotegemea tanzania.
"Nawapeeenda wote mashabiki zangu nawapendaaa." Aliwaambia mashabiki zake ambao walizidi kumshangilia.Mashabiki karibia wote waliondoka baada ya kuona msanii waliyekuja kumuangalia ameondoka na wao wakaondoka.Ulinzi wa siku ile ulifanya kazi.Hakuna aliyeibiwa na hakuna yoyote aliyefanyiwa tukio lolote baya.Tangia muda huo onyesha lile la Yazza Golden likawa gumzo vinywani mwa watu.Hata mashabiki waliohudhiria onyesha lile walipotoka walikuwa bado wanahadithiana matukio yaliyowakuna.Huko mitandaoni ndio kabisa.Kuanzia Instagram,Facebook,Google mpaka twitter onyesha la Yazza golden lilikuwa gumzo.Tukio kubwa liliowasisimua wengi na kumpongeza sana Yazza Golden ni kuwakutanisha kwa pamoja Diamond na Ali kiba.Hata raisi wa tanzania naye alitumia uwanja wa twitter kutoa pongezi kwa Yazza golden kwa onyesha lake.Sio raisi tu viongozi mbalimbali wa tanzania walimpongeza.Wasanii karibia afrika nzima walimpongeza msanii huyo.
***
Ilikuwa ni siku ya furaha kwa wazazi wale waliokuwa wameshikana mikono wakiwa wameketi kwenye mabenchi maalumu ya kanisani.Macho yao yalikuwa mbele kabisa kumtazama kijana wao aliyependeza sana kwa suti yake nadhifu iliyokuwa na gharama ambayo kwa tanzania unaweza ukamiliki nyumba.Kijana huyo aliyekuwa akimtazama kwa makini binti mrembo aliyekuwa akimuangalia huku pembeni yao akiwepo padri aliyekuwa akiongea maneno maalumu kabla ya kuwafungisha ndoa ile ya kifahari sana.Haikuhudhuriwa na watu wengi lakini ilikuwa ndoa ya kijitajiri mno kutokana na waliokuwepo humo walikuwa watu wenye fedha zao.Kijana huyo hakuwa katika furaha kabisa na hali hiyo ilimshangaza sana mwenzie aliyekuwa katika uso wa furaha kwa sababu moja ya ndoto zake zilikwenda kutimia.Padri baada ya kuzungumza maneno yake ambao yalikuwa yakuwahusia wanandoa wale akaelekea katika sehemu husika.Kwanza kila mmoja akampa pete yake kisha akaomba mwanaume ndiye awe wa kwanza kuyarudia maneno atakayosema padri huyo kisha amvishe pete mwanamke yule.
"Kwa ishara ya pete hiyo bwana Lewis Martin umekubali kumuoa bibie Angelica hale na kuwa pamoja mpaka kifo kitakapo watenganisha?" Padri akamuuliza Lewis nakumtazama kwa tabasamu.Lewis akawa kimya na kumshangaza Angelica ambaye alitamani kuzungumza kitu ila akatulia na kumuangalia mwanaume yule kwa wasiwasi.
"Hapana siwezi." Lewis Martin akajibu na pete ile akaitupa chini na kuanza kupiga hatua kuondoka.Mshangao mkubwa ukawapata waliohudhuria katika harusi ile kila mtu akawa na lake.Presha ikampanda mama yake Angelica aliyedondoka na kuzimia kwa mshtuko.Angelica kilio kikubwa kikamtoka kama mtu aliyefiwa na mama yake mzazi.Akajikuta akipiga magoti akilia kwa uchungu hakuamini alichokiona.
"Lewis!....Lewis!....Lewis mwanangu" Ilisikika sauti ya baba yake Lewis ambaye alipoona mwanae ametoke nje yeye tu ndiye aliyepata nguvu za kunyanyuka na kumfuata mwanae.Lewis akasimama wakati huo alikuwa ameshafika kwenye gari yake ya kifahari aina ya ross royce.Mlango wa gari ukafunguliwa na mlinzi na Lewis akamtazama tu baba yake aliyekuwa akimkaribia.Bila ya kujali Lewis akajitoma ndani ya gari na yule mlinzi akaingia katika gari na kufunga mlango.
"Boss bibi harusi yuko wapi?" Dereva akauliza kwa mshangao.
"Fanya kazi yako endesha gari."..............Itaendeleea