Repoa: Wananchi wachoshwa na ukata, wataka fursa za kujikwamua

Dar es Salaam. Taasisi  ya  Utafiti wa Kupunguza Umasikini (Repoa)   imeiomba   Serikali   kutoa  nafasi   kwa  wananchi   waweze kutoa maamuzi  katika  mambo yanayowagusa  ili  kuwakwamua kiuchumi na kuwapunguzia machungu ya umasikini.

Akizungumza  na  waandishi  wa  habari   leo  jijini  Dar-es-salaam   Mtafiti  Mwandamizi wa repoa,   Lucas   Katela   alisema   wamefanya utafiti huo ili kujua  uhusiano  uliopo kati ya  kukua  kwa  uchumi  na  huduma  za  kijamii.

Aliongeza kuwa utafiti huo uliofanyika mwaka 2014  ulionyesha   ongezeko  la  uchumi  kwa  asilimia 7  huku  hali  za  wananchi  zikiwa  mbaya.

“Serikali  imekuwa  ikisifika kuwa  uchumi  umeongezeka  kwa  kiasi  kikubwa lakini  kama  uchumi  umeongeza  Serikali  itakuwa  na  rasilimali  za  kutosha  na  huduma  kwa  jamii   zitakuwa   zakutosha,”alisema Katela.

Aidha  Katela  aliongezea   kuwa   wananchi  wana machungu   kuona  baadhi  ya  pesa  zinapotea  kiujanja  huku  wananchi wakikosa huduma za kijamii.

 “Wananchi   hawafurahii  ukuaji wa uchumi kutokana na kudorora kwa huduma  za  jamii , Serikali  kutokuwa  wazi  kutoa  matumizi  ya  fedha, wananchi  wanaona  kama  rushwa  imeongezeka  kila  sekta,” alisema.

Katela  alisisitiza  kuwa Serikali  iwe wazi  na  matumizi  ya  fedha  pamoja na  kuboresha  huduma  za  jamii  na  kodi  zinazo  kusanywa  zitumike  kwa  busara kutoa  huduma  bora  kwa  wananchi.