Afungwa jela miaka 30 kwa unyang’anyi wa kutumia silaha
Hai. Mahakama ya Wilaya ya Hai Mkoani Kilimanjaro
imemuhukumu kifugo cha miaka 30 jela, Stephan Moleli mkazi wa Ngereiyani
Wilayani Siha kwa kosa la unyang’anyi kwa kutumia silaha.
Hukumu
hiyo ilitolewa jana na Hakimu Mfawidhii wa Mahakama ya Wilaya ya Hai,
Martha Mahambuga baada ya ushahidi uliotolewa mahakamani hapo na
mashahidi wanne, kuthibitisha bila ya kuacha shaka kuwa mshtakiwa huyo
alitenda kosa hilo.
Awali, Mwendesha Mashtaka wa
Polisi, Roymax Membe alidai mahakamani hapo kuwa mshtakiwa alitenda kosa
hilo Juni, mwaka jana muda wa saa nane mchana huko Ngereaiyani wilayani
Siha mkoani hapa.
Inadaiwa kuwa Molleli aliiba
pikipiki moja aina ya Daz yenye thamani ya Sh,1,700,000 mali ya Shabani
Hamza na simu moja aina ya Nokia 6,000 yenye thamani ya Sh100,000, kwa
kutumia silaha dhidi ya Saidi Shabani kwa lengo la kujipatia vitu hivyo.
Kwa
mujibu wa kifungu cha sheria 287(a) Sheria ya Kanuni ya Adhabu Sura 16
marekebisho ya 2002, kosa la unyang’anyi kwa kutumia silaha mahakama
imeridhishwa na ushahidi hivyo mshtakiwa kutumikia kifugo jela miaka 30.
